/ متعب سعود - منتديات قبيلة السّـلـمـاَت من عنزه


الصلاة مناعة للجسم من الأمراض العصبية والنفسية والجسمانية (اخر مشاركة : رغد المطيرى - عددالردود : 0 - عددالزوار : 72 )           »          أفضل برنامج إدارة عقارات متوفر باللغة العربية والإنجليزية (اخر مشاركة : befalcon pro - عددالردود : 0 - عددالزوار : 118 )           »          أفضل برنامج إدارة عقارات متوفر باللغة العربية والإنجليزية (اخر مشاركة : befalcon pro - عددالردود : 0 - عددالزوار : 141 )           »          أفضل برنامج إدارة عقارات متوفر باللغة العربية والإنجليزية (اخر مشاركة : befalcon pro - عددالردود : 0 - عددالزوار : 206 )           »          افضل تطبيق للكلمات المتقاطعة (اخر مشاركة : سمير رامي - عددالردود : 0 - عددالزوار : 166 )           »          أفضل برنامج إدارة عقارات متوفر باللغة العربية والإنجليزية Best Real Estate Software (اخر مشاركة : befalcon pro - عددالردود : 0 - عددالزوار : 242 )           »          أفضل برنامج إدارة عقارات متوفر باللغة العربية والإنجليزية (اخر مشاركة : befalcon pro - عددالردود : 0 - عددالزوار : 329 )           »          افضل تطبيق تحميل فيديوهات (اخر مشاركة : سمير رامي - عددالردود : 0 - عددالزوار : 390 )           »          أفضل برنامج إدارة عقارات متوفر باللغة العربية والإنجليزية (اخر مشاركة : befalcon pro - عددالردود : 0 - عددالزوار : 376 )           »          أفضل برنامج إدارة عقارات متوفر باللغة العربية والإنجليزية (اخر مشاركة : befalcon pro - عددالردود : 0 - عددالزوار : 378 )           »         





دواوين شعرية ومرئية وصوتية

دواوين الشعراء والمبدعين من قبيلة السلمات ، ودواوين شعراء المنتدى



/ متعب سعود

دواوين الشعراء والمبدعين من قبيلة السلمات ، ودواوين شعراء المنتدى


موضوع مغلق
 
أدوات الموضوع انواع عرض الموضوع
قديم 02-22-2013, 04:33 AM رقم المشاركة : 1
معلومات العضو
مدير عام منتديات السلمات
إحصائية العضو






أوسمتي

زيدان طخطيخ غير متواجد حالياً

 

Q33 / متعب سعود


اضحك وانا ...

اقتباس:
المشاركة الأصلية كتبت بواسطة متعب سعود مشاهدة المشاركة

( اضحك وانا...........)


أضحك وانا في داخلي حزن يزداد
وانام وهمومي فراش و وساده
تلبسني احزاني على غير ميعاد
حتى غدى حزني مع الوقت عاده
الصّمت صار بداخلي(سوط جلاد)
عشرين عام وعام قلبي بجهاده
أسكت وانا لمصافح الموت منقاد
وابكي (قهر )واقول:دمع السعاده
حرّيتي مغلولة بـ كل الاصفاد
والموت حول الصوت مثل القلاده
مهزوز كنّي عبد بحضور الاسياد
مسلوب حقّي..والأمل..والإراده
يقهرني ان المجد ناره للاجداد
وانّي عجزت آفوز..حتى برماده


...(( متعب سعود السلمي )).......

نشرت هنا بتاريخ 2011/2/20




للمزيد من مواضيعي

 

الموضوع الأصلي : / متعب سعود     -||-     المصدر : منتديات قبيلة السّـلـمـاَت من عنزه     -||-     الكاتب : زيدان طخطيخ





 

 


قديم 02-22-2013, 04:40 AM رقم المشاركة : 2
معلومات العضو
مدير عام منتديات السلمات
إحصائية العضو






أوسمتي

زيدان طخطيخ غير متواجد حالياً

 

Poetry الحـــــــــال..مزري..


الحـــــــــال..مزري..

اقتباس:
المشاركة الأصلية كتبت بواسطة متعب سعود مشاهدة المشاركة
..وهذي قصيدة ..متواضعة اتمنى ان تحوز على شيء من رضاكم....
...........(( الحــــــــــــــــــــــــــال ))



الحال مزري والورق فاقد الروح = وشلون احسسك بحقيقة مصابي

الشعر دمعي..وانت ماتفهم النوح = ضيعت من أغلى همومي صوابي

أوهمتني بان الشوارع لها بوح = أمشي واحدّث هالرصيف بعذابي

عن حلم تافه..صار بعيوني طموح = سمّجت في رجواه نكهة شبابي

ولازلت شايل عقدته وين مآآروح = وضعي ولاهو باليدين انسحابي

بي حالة الغرقان وان شاف له(لوح) = آآآخر أمل لو كنت باول صعابي

يامبتعد كل الشقا منك مملوح = زدني شقا بس لاتزيد ارتيابي

والله ماسببت في صدري جروح = سببت موت(ن) يسترنّه ثيابي

من وين اجيب اكثر من آلامي وضوح = أرضى بجهلك واتّجاهل عتابي

وتقول ماني في عطا الحب ممدوح = أسمى قناعة لو طريقك سمااابي

لكن بذمة مابقى فيك من ضوح = لاتجحد بميزان تيهك نصابي

ومع ان صدري للألم كف مفتوح = لاكن ولايرضيك طول انتحابي

الوقت ضيق وانت ضيقتني بوح = وللمره (المليون)..حس بعذابي



..( متعب سعود السلمي)

نشرت هنا بتاريخ 2011/2/20









 

 


قديم 02-22-2013, 04:45 AM رقم المشاركة : 3
معلومات العضو
مدير عام منتديات السلمات
إحصائية العضو






أوسمتي

زيدان طخطيخ غير متواجد حالياً

 

Poetry تنهيدات شكمانه


تنهيدات شكمانه

اقتباس:
المشاركة الأصلية كتبت بواسطة متعب سعود مشاهدة المشاركة
الله على اللي تصيبه لاشتغل طيره = وتجفل القاع تنهيدات شكمانه
جمس(ن)ترازم على الممشى مساميره = ارزام وضح(ن)نهار الورد ظميانه
اليا نخيته بـ نمره واعتزى قيره = شيخ(ن)على الموت يرمس دون جيرانه
وليا حضب ترسه الثاني عسى خيره = تنبت على صفحة الكبوت جنحانه
مجيوب للي يعاف النوم بالديره = نفسه على معشب الريضان شفقانه
والصبح مع خايع(ن) تضحك نواويره = وتلاعب الحمّره زملوق ريحانه
عفت الديار العزيزة يالله الخيره = وانلاع قلبي من اللي صار باوطانه
ياصاحبي قله ان كثرت دنانيره = مايرفع المال رجل(ن) طامنن شانه
واللي يبيع الخوي بآآآقل تسعيره = باعه خويّه بلاش وهمّل اثمانه
من لاحسب للعرب تكثر مخاسيره = واللي فهق صاحبه ياسهل فهقانه
الطيّب يزود في كل يوم تقديره = واللاش لازاد عمره .. زاد حقرانه


وسلامتكم...( متعب سعود السلمي)



نشرت هنا بتاريخ 2011/2/20










 

 


قديم 02-22-2013, 04:53 AM رقم المشاركة : 4
معلومات العضو
مدير عام منتديات السلمات
إحصائية العضو






أوسمتي

زيدان طخطيخ غير متواجد حالياً

 

Poetry قصيدة بالسلمات


قصيدة بالسلمات

اقتباس:
المشاركة الأصلية كتبت بواسطة متعب سعود مشاهدة المشاركة
هذه قصيدة بربعي السلمات تتطرق لجزء بسيط من تاريخهم المشرف..

البارحه وردن على القلب ميـــّــه
من طرش نزاع الضلوع المحـــاديب

وردن على عدّن تعـــاقب دليــّه
وقامت تداحم زملــها والعياســيب

واوجست كن بـثومة القلب كيّه
او كن تنهش بالعلايق كــلاليـــــب

حيل الله اقوى يامعــزّي خويـّــه
وانا ادعي الله يسمع العبد ويجيب

قم ياخلف قرب لي الشاذليّــه
حق المسيّر عند كفو المــــعازيب

فنجالها بالهيل ينطحك غــيـّـه
وثلّث لي الصبّه على السلم ترتيب

ياشوق سلهام العيون الخليّه
اللي على شوفتك تعطيك ترحيب

من عقبها ياخوي بالقلب نيّه
نبي على الطوعات حرش العراقيب

نوّخ من العيس الفرايد هـديّه
حمرا عليها الباب وسم المعاريب

ميّالة العــــرقوب يدهـا نحيـّـه
مضى عليها الوقت عسف(ن) وتدريب

نطوي عليها الدوّ والجرهــديّه
والنايفــة والمرمسة والشخانيب

ونلفي على اللي نار طاريه حيّه
دايم على الهقوه عريب المجاذيب

حيثه وريث النزعة الوايليـّـه
نسل النشامى كاسبين التعاجيب

ربعي هل الجدعا سباع(ن) ضريّه
رديّهم يوم الملاقى ردى ذيب

جمع سلمات ان صار للعز جيّه
تاريخهم بصدور الاجواد عن غيــب

وليا مشوا بالجيش في كل هيّه
تباشرت بالعلم عكف المخـــاليب

يردون قلبان الضـديد ضحويـّــه
ومن دونهم تقصر طروش المشاريب

كم خفرت(ن) تصفق بكف خليّه
من فعل حامين السلف شقة الجيب

وكم ناهـد(ن) لولاشها بالجويّه
يطرب فرحها لاحقين المــطالـــيـب

وكم شيخ قوم(ن) مااطلعته الثنيّه
من سابق(ن) ماضــرّيت للــمكاريب

بصوير وافقنا جموع(ن) جــريّه
يذكر لنا معهم من امس(ن) ذواهيب

امس يحدون وكل نفس(ن) رضيّه
واليوم لحقت بالمــنــايا منـــــــــاديب

ننحى بهم عن بوشنا للشغيّه
ونكفّهم من دون طمعه مسـاليب

الميسم اركيناه ورك المطــيّه
والسيف ماسوم(ن) بكثر المثاليب

وبحزيم لعيون المهاة العـــذيّه
يوم العزاوي جنبت جلبة الشيب

حنا جلبنا الروح سوق برديّه
ندرى لحانا عند سوق الاجانيب

يعد ابو تايه قتيل وضحـــيّه
ونعد من غوشه حلال ومكاسيب

لي لابت(ن) طولاتها سرمديّه
ولاتنحصي بمعاود الشمّــخ النيب

هذي فعول ربوعنا الاولــيّه
واللي تلاهم مامـــشوا بالعذاريب

يلومني من لاتهمّه زريـّــه
ولاوطـــــــته من الليالي دواليب

بالعين رمح وبالحنايا شظيّه
وبالقلب من سم السماهر حثاريب

همّ(ن) يصبحني وهمّن عشيّه
وكن الهجوس مجـــوّده بالتــلالــيــب

لاقلت زور ولامشيت برديـّــه
ولاتبعت الخافيه يالســـراديــــب

الشاهد الله ماظلمت البريّـــة
واللي مشى بالطيب مايعدم الطيب

وختامها صلوا على احمد نبيّه
شفيعنا في يوم حشر(ن) وترهيب

...
وسلامتكم ( متعب سعود السلمــــــــي )..

نشرت هنا بتاريخ 2011/2/25










 

 


قديم 02-22-2013, 04:58 AM رقم المشاركة : 5
معلومات العضو
مدير عام منتديات السلمات
إحصائية العضو






أوسمتي

زيدان طخطيخ غير متواجد حالياً

 

Poetry جرح الكلام ...







جرح الكلام ...

اقتباس:
المشاركة الأصلية كتبت بواسطة متعب سعود مشاهدة المشاركة

..... ( جرح الكــــــلام ) ......


....


هات القلم واكتب جديد التواصيــــف
من شاعر(ن) جتـه المثايل اخضوعــي



قرايــض(ن) يطرب لها راعي الكيـــف
اللي على الهـــزلات ماهـــو دنوعـــي



البارحه بالصدر ذيب المشاريــــــــف
يقنب وسجن الخافيـات امهلــــوعــــي



ياملّ قلب(ن) خالـجته الصواديـــــف
يلعي كما الورقــا بحدب الضلوعـــــي



وياملّ عين(ن) ماشقت بالمواليف
طوّل سهرها والخلايــق اهجوعــــــي



جرح الكلام اقسى من الجرح بالسيف
يودع معاليــق الضمـــايـــر امــــزوعـــــي



كم كلمة(ن) بين المعازيب والضيـف
راحت بهم من عقب جمعه انجوعـــــي



خطو الولد يدرى لسانه عن الحيف
ولاهو لنقّال السوالف سمـــوعــــــــي



واللي قصر بالهرج من غير تزييـــف
يفــداه من لاحــاه شين الطبوعـــــــي



لامد بالضاحي هبوب العواصيــــف
ماتــومـي الا ليـــّنـات الــفــروعـــــــــي



..............( متعب سعود السلمي )..............



نشرت هنا بتاريخ 2011/3/12









 

 


قديم 02-22-2013, 05:05 AM رقم المشاركة : 6
معلومات العضو
مدير عام منتديات السلمات
إحصائية العضو






أوسمتي

زيدان طخطيخ غير متواجد حالياً

 

Poetry ادمح خطا الصاحب



ادمح خطا الصاحب

اقتباس:
المشاركة الأصلية كتبت بواسطة متعب سعود مشاهدة المشاركة

لاأحب المقدمات ...


البارحـة قلبي مـن الهـمّ مضهـود

والعين واكفها على الخــد همـــال


عباير(ن) ترقى مع الجـاش ولهــود

تبرك على صدري من الجال للجال


ماهو على غرون فقدته من الخود

ولاهو على فقد المقفّي من المال


واللـــه يالـولا كــل طـرّاد منقـــود

لااقــولهـا وارتــاح من ضيقة البــال


ادرى لساني عن لغى كل نمرود

واكنّها خوف(ن) من القيل والقــال


ياسعود لاتشره وانا ابوك ياسعود

وادمح خطا الصاحب ولو كان عيّال


ياسعـود لامـدّيـت لاتـنتظـر فـــود

مايلحــق المــنّـات ياكـود الانــذال


غدى قنيب المرقب سهود ومهود

نكس عقب ماهو على الشول جوال


حنا لنا الله عالي الشان موجــود

واللي مضى نعتبره دروس وامـثال

...

وسلامتكم ,,,,,,,,,,,,, متعب سعود السلمي ,,,,,,


..




نشرت هنا بتاريخ 2011/4/3









 

 


قديم 02-22-2013, 05:14 AM رقم المشاركة : 7
معلومات العضو
مدير عام منتديات السلمات
إحصائية العضو






أوسمتي

زيدان طخطيخ غير متواجد حالياً

 

Poetry رد على قصيدة ( عروبتك ) ..


قصيدة / سالم علي السلمي هنا



رد على قصيدة ( عروبتك ) ..

اقتباس:
المشاركة الأصلية كتبت بواسطة متعب سعود مشاهدة المشاركة
..
هذه القصيدة رد على قصيدة أخي سالم علي السلمي ..



اهلا هلابك عد تغريد الاطيـار
وعداد ما بل الفياض العذيـــة


يابو علي فعل المراجل لكم كـار
نسل الرجال اهل الفخر والحمية


ثـورة وثـارت وانتهـض كل ثــوّار
كل(ن) على بناخيه ينخى خويه


هبت هبايبها على كل الاقطــار
تسفى على من راح فيها ضحيه


دم العرب حبر(ن) لصفحات الاخبار
والظاهر ان السالفه سرمديــه


حسني غدى حصني وضاعن الاشوار
مات البطل في أول المسرحيـــه


دارت رحـى التغيير والعالم انـــدار
واللي على الدوار دق التحيــــه


قال افزعـوا ياربعنا راحت الــدار
وتحيزمــوا بالعزوه الوايــليــــه


وانجاهم الله من تصاريف الاقدار
باهل السطر والحنكة العسكريه


ودحر مجوس الفرس عبّادة النار
اهل الدسايس والعلوم الرديــــه


ربعي هل السطوه طويلين الاشبار
منهم ( معمّــر ) مايهـــاب المنيـــه


زنقه ورى زنقه ودار(ن) ورى دار
يثني لهم من دون جال الركيــه


والله ياقانا من دروب الاخطـــار
في ظل ابو متعب زبون الونيـــه


تبي الصحيح ؟! الصامد الحر ينهار
لاشاف دمعة كــهــل ولا صبــيـــه


العـز ظـامي صب لـه دم الاحــــرار
وعيـّـد .. قبل عيد الفطـر والضحيــــه


...
وسلامتكم ..

نشرت هنا بتاريخ 2011/5/17








 

 


موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الملك عبدالله وابناه سعودي ماركه المجلـــس الـعـــــــام 9 04-01-2011 08:02 PM
عبد الرحمن بن سعـــود متعب سعود صــدى المـــلاعب 6 03-06-2011 04:11 AM
بقلم الباحث نايف الفقير الحلقه الاولى نايف الغضوري الأنساب والتراث العربي 8 12-31-2010 02:53 PM


الساعة الآن 07:00 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
أدبي | أكاديمي | إعلامي